江若琳想僭建加轆暴走

近來不少明星和政府官員的居所被踢爆有僭建物，身為公眾人物，以身試法要不得，但是僭建成風，有人竟然想出做「人體僭建」。名模蔣怡希望賜她一對翼，江若琳希望腳上加對轆，實行飛天暴走；日模松岡李那則最現實，希望在身上裝翻譯器，誓要闖香港模界，眾女想法天馬行空，但偏偏無人想僭建雙峰！

江若琳：「我會喺對腳度加個轆，行得快啲又舒服啲，有時遇到塞車都唔使驚會遲到，可以落地自己行。」

Regen＠HotCha：「我想要多幾個消化系統，咁樣可以食好多嘢都唔怕肥唔怕滯。」

Winkie＠HotCha：「我想僭建我嘅高度，咁就唔使成日着住幾寸高嘅高踭鞋跳舞，好易扭傷！」

Crystal＠HotCha：「我想僭建番啲眼睫毛，因為幾乎甩晒。」

吳日言：「我想僭建多幾個依家呢個年齡嘅自己，咁第時老咗就可以拎啲後生嘅『自己』出嚟。」

楊汀叮：「我會僭建對腳同埋個膊頭，我想對腳長多兩寸，至於個膊頭我就想橫啲，着衫會好睇啲。」

李嘉慧：「我會要多對眼，咁我就可以無時無刻睇實兩個囡囡，全方位看守。」

o靚模許穎：「我想僭建個Pat Pat，因為我覺得自己個Pat Pat好橫，好扁，想僭建到佢圓啲挺啲！除咗僭建，我仲想拆咗啲腮骨，咁塊面就唔會顯得咁大塊，唔使用頭髮遮住喇！」

蔣怡：「我想僭建對翼畀自己，咁就可以飛嚟飛去周圍去，好自由，又唔使驚塞車，而且好想試下喺天空飛嘅感覺。」

松岡李那：「最好喺我身上裝個翻譯器，因為我聽唔明記者講嘅廣東話，又唔識睇中文，有咗翻譯器以後就唔使咁尷尬，唔使再有誤會。」

麥潔兒：「最好喺我個腦入面加個記事簿或者電腦，自己無記性，出去活動記唔到稿。」