高鈞賢獨愛鬼妹仔
首屆香港先生冠軍高鈞賢（Matthew）高大威猛，原來小時候已是運動健將，8歲開始到加拿大留學的他，中學就讀Dr. G W Willam學院，大學則在York University修讀Marketing。
Matthew在外國愛上打冰上曲棍球，並憑外形及球技發展初戀：「同隊長個家姐成日見，好快撻着咗，佢係芬蘭女仔，好靚架！不過我當時得12歲，只係一齊打機拖吓手咁，當係Puppy Love！」大個仔後，Matthew亦錯過了一段情緣，令他十分「揼心」：「同個混血女仔曖昧咗一排，但我懶型冇去追，結果畀人搶走咗；但到依家仲有聯絡，佢之前來港我都有帶佢周圍玩。」
同時打三份工
至20歲才返港的Matthew，留學多年一直半工讀，犧牲不少玩樂時間：「最高紀錄同時打三份工，儲咗三年錢終於買到架跑車，雖然家人反對，但好有滿足感！」不過，Matthew並沒有怠慢學業，不少科目都拿下A級成績。
他亦曾參加有關演藝的比賽，試過以謝霆鋒的造型奪得唱歌比賽亞軍，其後更贏得多倫多電台舉辦的Sunshine Boy，令他對娛樂圈充滿憧憬，返港後毅然參加首屆香港先生競選，展開星途。
留學地熱選加國
不少亞洲藝人都曾在外地留學，而地大物博的加拿大更是熱選，曾到當地的藝人包括關楚耀、王菀之、關智斌及梁靖琪等。台灣組合飛輪海成員辰亦儒最近更出書暢談在溫哥華的留學經歷，至於何潤東在加國升學時，亦跟高鈞賢一樣狂做part time結果受傷，何潤東說：「試過到薄餅店工作，同時捧40隻碟，亦因丟太重垃圾時導致手部爆血管。」