嘉穎讓「愛」湊杏兒與Bosco一對
鄭嘉穎、胡杏兒昨日出席 《怒火街頭》的宣傳活動，日前黃宗澤（Bosco）遭偷拍全裸照，其女友杏兒昨日心情明顯好轉，嘉穎則表示政府應立例正視此事，提到無綫禁止兩間雜誌傳媒採訪旗下藝人、活動，他坦言：「呢個治標唔治本，以往幾個月就故態復萌，如果今次事件係影到政府高官，咁又點呢？政府會否睇呢件事唔同咗呢？」
另外，此劇將會開續集，兩位主角表示開心，問嘉穎怕否「Law霸」角色被黃宗澤取代時，他打趣謂：「我拱手相讓呀！問心我輸咗，杏兒同『籮霸』真係好有緣，以輕鬆角度講，多謝Bosco咁大犧牲，同我哋套劇宣傳，但呢件事對佢真係唔公平。」
甄詠珊拒評舊愛裸體
前性感組合Freeze成員甄詠珊前晚出席活動，對於舊愛Bosco被偷拍，她直斥報道「過咗火」：「希望傳媒高抬貴手，畀番啲私隱藝人！」問到是否「習慣」Bosco裸體時，她尷尬大叫：「唔記得啦！N年前！（人哋讚佢身形好。）佢不嬲都幾fit。（打畀Bosco？）你哋幫我問候佢，（驚杏兒呷醋？）我都希望佢哋幸福！」
