「爆E超蓮」轉性冧師妹
「爆Ｅ超蓮」Iris與同門「混血Ｅ神」Monna聯手，雙Ｅ出擊寫真界！Iris直言影寫真期間和師妹日對夜對兼肉帛相見，一度懷疑自己「轉性」愛上師妹！
寫真大戰如箭在弦，「爆E超蓮」Iris（鍾采羲）孖同門「混血E神」Monna（林宜芝）雙E拍住上。日前兩人率先以純白比堅尼Big爆交鋒，Iris直言羨慕Monna比自己皮膚白淨，她說：「我個人好花心，一時鍾意曬黑一時鍾意白淨。」對師妹由羨慕到喜愛，Iris坦言一度懷疑自己「轉性」！她說：「可能影寫真時日對夜對，加上攝影師成日要我哋擺啲好Close嘅甫士，試過突然間覺得好似有啲掛住佢，嚇到我呀！不過好在之後冇咗呢啲感覺，相信只係一啲好感嚟啫。」
互相鞭策Keep Fit
對於Iris的「心懷好感」，Monna坦言不知情，更直言自己與女性朋友玩得很埋，但從冇同性戀追求，她說：「真係未試過，唔知自己接唔接受到，我都有啲朋友係同性戀，唔會歧視囉。」
有四分一德國血統的Monna同樣大讚師姐身形好，她說：「我自己以前好肥，18歲試過130磅，依家雖然係瘦咗都仲要繼續Keep，今年好開心有Iris同我一齊努力，大家互相鞭策，動力大好多呀！」
文：影視組