林夏薇簽無綫CHOK戰堂兄
跟林峯同樣擁有家族遺傳「CHOK鼻」的林夏薇，昨日正式宣布步堂兄後麈加盟無綫，期待「雙林」有合作機會能在大螢幕跟觀眾見面；而林峯於上海出席活動時場面大亂，要由他出手維持秩序！
穿上藍色斜膊裙的林夏薇，昨日首次以「無綫藝員」身份出席無綫《天際任飛翔》記招，她謙稱自己是新人，望向無綫前輩學習：「暫時未知工作安排，我本身係『香港話劇團』，要完成劇團嘅嘢先投入無綫工作，（想唔想同林峯合作？）有機會當然好！唔知會點呢？（佢有冇提點？）暫時都未見到佢，因為佢忙緊演唱會啲嘢。」
唐嫣避緋聞甩底
缺席無綫活動的林峯就跟朱璇、馬德鐘出席「上海電影節」宣傳《廣告風雲》，有傳是「霜峯戀」第三者的同劇演員、內地女星唐嫣竟臨時甩底，只預錄了宣傳片段，未知是否怕被追問緋聞而避席，活動吸引大批粉絲及記者到場，期間發生衝突，保安更以手擋記者鏡頭，最後要靠林峯幫手維持秩序，他透過電話訪問說：「現場冇人控制，又多人，作為演員都知點樣控制，所以先出嚟幫手！」
李彩華廁所收「峯」
同場宣傳內地電視劇《錯嫁》的林峯前緋聞女友李彩華以民初打扮現身，但就未有跟林峯碰頭，她說：「唔怪得頭先喺廁所聽到有人嗌佢個名喇！」活動完畢後她就要趕返橫店繼續拍攝。文：專案組