江若琳減六磅袋七位數

江若琳（Elanne）昨日為纖體美容拍廣告，穿上紫色tube dress的她盡現弗爆身形，廣告中將有約五個造型，不乏高貴形象，她指品牌走健康路線，性感程度大多只是露腰。
江若琳身穿tube dress，身形弗爆。
江若琳身穿tube dress，身形弗爆。

Elanne由106磅減至現時100磅，對身形感滿意：「唔好以為我唔肥，其實我大髀同手臂以前都幾粗，仲有baby fat同水腫，依家見有成效，都有推薦朋友去試。（酬勞好唔好？）梗係好，七位數字簽兩年。」談到今屆候選港姐「D Cup GiGi」C許亦妮被指樣貌似她，Elanne哈哈大笑說：「咁都同我扯上關係？我都有八卦吓，我想話其實我個口都好大，同埋大口係潮流嚟o架，不過我就覺得佢同我唔似樣。」

江若琳拍廣告，輕輕鬆鬆又賺一筆。
  • 江若琳拍廣告，輕輕鬆鬆又賺一筆。