莊思華望息掌摑風波
日前捲入懷疑襲擊案的莊思華昨日約見律師商討案情，雖然她自稱被掌摑，但她坦言仍未落實要起訴對方，只想將事件平息，一於大事化小。
模特兒莊思敏胞妹、港姐季軍莊思明孖生姐姐莊思華（Mona）日前捲入一宗懷疑襲擊案，不過Mona反稱被人掌摑。昨日Mona與律師會面研究有關案件。而本報亦收到一封手寫的告密信，大爆報警聲稱被摑的張姓女子的家底，又指對方的家人是有背景人士。
有人屋企有背景
莊思華昨日約見律師，二人在中環食午餐，約三時多離開，Mona見到記者時說：「我剛剛同律師傾完。（佢有乜意見畀你？）都係依程序做，以免容易畀人炒作。」問到會否起訴對方？Mona稱未有落實要起訴，又謂不想將事件搞大，只希望用最快平息的方法處理。
對於有指張姓女子的家人是有背景人士，Mona直言有聽聞過，還說：「當然有啦！所以先交畀律師處理，因為唔想家人再擔心，媽咪好擔心。想有律師同Uncle同我商討吓點處理。（覺得自己好無辜？）唔多唔少都覺得無辜，不過唔發生都發生咗。（會唔會小心出入？）唔會刻意，因為都要如常工作，冇可能邊度都唔去。」
莊思明力撐家姐
至於莊思明昨日出席無綫活動時力撐孖生姐姐才是受害人，她氣憤地說：「唔明點解打人嗰個走去報警，大聲夾惡。（會唔會追究？）考慮中，要收集證據，當時姐姐冇還手，現場好多人見到。（因為爭仔而起衝突？）係個女仔飲醉酒失控，發生口角。」
而警方發言人透露，案件已交由中區分區刑事調查隊第七隊跟進，暫未有新進展，亦未拘捕任何人。
文：名人組