鄭嘉穎舊愛隱形鬆口氣

黎耀祥、鄭嘉穎、陳茵媺（Aimee）等逾百位無綫小生、花旦齊集「天際100」出席「TVB POWER天際任飛翔」活動，接待二百位廣告客戶代表，活動中除設有攤位及遊戲，還安排藝員跟客戶合照，並順道宣傳即將開拍的重頭劇《On Call 36小時》及《衝上雲霄Ⅱ》，由藝員各展所長爭取廣告生意。

周麗淇臨時甩底

眾藝員被安排盛裝分批出場，由司儀逐一簡介令廣告客戶加深認識。原本活動令鄭嘉穎與兩舊愛佘詩曼及周麗淇首次同台碰頭，而另一新歡舊愛組合陳豪、陳茵媺、廖碧兒亦是焦點所在，可惜佘詩曼無暇出席、周麗淇回港班機延誤、陳豪去了巴西拍特輯，因而令世紀碰頭場面「流產」。

佘詩曼及周麗淇缺席，鄭嘉穎避過一場尷尬。

陳茵媺直認與陳豪約會開心又舒服。

雖然幾對較有話題性的「情侶」未能碰頭，不過同場還有矚目度較遜的情侶關係「同場加演」，包括鄧健泓、龔嘉欣、李詩韻；胡杏兒、黃宗澤、徐子珊等，而剛成新聞人物的王浩信及陳自瑤被記者追訪有關親密照時，遭經理人分別「挾走」，未能影得合照。

陳豪	黃宗澤與胡杏兒成為情侶焦點。	過百演員出席，但當家一線生旦卻冇影。

其實佘詩曼早在前日的名單上早已沒出現，反而周麗淇臨時「甩底」，鄭嘉穎被問時輕鬆的說：「係咩？我唔知喎，（怕咗你？）答唔到你，我都唔知佢嚟，我只知自己要嚟，（甩難？）冇喎，點解咁諗呢？我唔會覺得尷尬，成日都撞到啦，不過唔係活動，有打招呼㗎，（你主動？）男士主動係基本禮貌，（佢有反應？）佢有打招呼，（係咪藐你？）印象中唔係咁，打招呼好正常啫。」至於合照，嘉穎揚言不會刻意，但同場出現也不抗拒。

Aimee讚男友Funny

另一邊廂陳茵媺亦未能跟陳豪、廖碧兒同場出現，不過已正式跟陳豪約會的她，亦掌握到緋聞男友的行蹤，知道陳豪因在巴西而缺席，談到上次約會，Aimee坦言：「開心，幾舒服，（對佢印象？）佢個人幾開心、幾Funny，（氹到你？）唔知，要食多幾次飯至知，（畀幾多分佢？）冇喎，唔可以一次就畀分，總之第一次好緊要，印象好好。」

文：影視組　攝：唐豁莊