許穎出激招寫真戰突圍
將推出寫真的「葛女郎」34D許穎（Phoebe），昨日帶同兩名師妹Ally及Kimmy到海港城出席保護鯊魚活動，將Tee剪成斜膊的Phoebe只稍露本錢，已吸引龍友狂拍。問到有何殺着在寫真戰中突圍？她表示送吻及送抱只屬碎料：「唔想跟人哋嘅，會諗啲更激嘅方法。（性感踩書展？）冇所謂！幫到本書嘅都會做！（送內衣褲？）考慮吓。」
對於出道不足一年已榮升師姐，她表示沒有壓力，因幾個女仔相處融洽，會互相提點。此外，Phoebe呼籲大家戒食翅，因捕殺鯊魚的過程很殘忍：「我有出海滑浪，但冇撞過鯊魚，不過知道佢哋唔會主動攻擊人。」
同場的樂壇新人陳文婷表示由鋼琴王子陳雋騫介紹給陳奐仁而入行，新碟請來農夫的C君寫歌，同時亦有其個人作品。