Jill分享見證男友受圍攻
衞詩（Jill）於09年跟舊愛關楚耀在日本藏毒被捕，事件轟動整個娛樂圈，二人歌唱事業亦直插谷底，經過兩年時間「洗底」，Jill在友人帶領下成為基督徒，人生即時起了180度變化，並認識現任中英混血男友Tim，而早前Jill更被本報拍得於中環鬧市施展「擒拿手」箝實男友，愛得十分癡纏。昨日，Jill現身上水北區大會堂演奏廳一佈道會，向青少年分享其見證，男友Tim亦相隨前往支持。
雖然Tim最初見記者舉機害羞得轉身速逃，但後來亦折返跟Jill合照，Jill得悉男友被記者「圍攻」即露出一雙憐憫眼神，然後依偎在男友身旁，狀甚陶醉，而Tim亦大方將手搭在Jill膊頭企定定任影。至於Jill家姐衞蘭（Janice）亦有前來支持，但因姍姍來遲，故甫抵埗即衝入場沒有接受訪問。
出書講經歷
事後Jill透露會分享其日本藏毒及信主經過，她說：「現場有好多青少年，我想鼓勵佢哋！」Jill又指跟MC Jin的經理人合約仍在洽談當中，問她是否全面復出？她說：「都算，但我嚟緊會喺書展出書講述我喺日本（吸毒）事件同埋由細到大嘅經歷，本書叫《Reborn》（重生），跟住又要做福音電影宣傳，所以音樂要遲啲先落實！」
文：音樂組