陳豪驚陳茵媺變心：Touch Wood

無綫小生陳豪和名模Amanda S.昨日出席英國鞋履品牌Clarks銅鑼灣東角道新店開幕活動，並和品牌管理層齊齊主持揭幕儀式，同場更有模特兒何紫綸及新進歌手譚晴擔任模特兒演繹全新帆船鞋系列。

首次約會印象OK

近日有指陳豪秘密相約陳茵媺到屯門黃金海岸共進晚餐，陳豪昨日一臉甜絲絲的大方直認，更言大家是首次約會，笑問他是否把約會一事放風，他即緊張的說：「梗係唔係啦！如果係，我就唔會去到黃金海岸咁遠，我係好低調嘅人，根本唔想記者影到。」

問到該晚約會感覺如何，陳豪再次一副冧樣說：「OK啦！（有冇進展？）冇，（拖手？）未。（示愛？）未呀！食飯啫，慢慢嚟！（印象點？）幾好，好好呀！（佢對你印象？）OK啩我諗，報道出街後我都有sms佢唔好意思曝咗光。」

Clarks新店開幕，昨日邀請舞獅表演，場面熱鬧。

陳茵媺與陳豪撐枱腳後，「批准」對方送自己返香閨。（資料圖片）

Amanda消瘦示人

陳豪更大方承認事後親自送女方返家，笑問當晚是否吃咖喱雞，以及會否約會出埠保私隱等，陳豪均說：「大家放鬆啲，唔好緊張，慢慢嚟！」至於是否視女方為結婚對象，陳豪說：「如果到咗呢一刻，我會話畀大家聽。」但當記者笑說陳豪要快手，否則女方會被人追到時，陳豪立刻拍拍布景板示意「Touch Wood」大吉利是！

另外，同場低胸上陣的Amanda S.明顯消瘦，她否認真空上陣並說磅數冇變，上圍亦冇縮水，稍後會再到意大利試婚紗的她，直言款式少許性感外，更言餅店預計7月開幕。

文：名人組