雖然Candy和霆鋒再見亦是朋友，但兩人原來已經有5、6年冇聯絡，問是否怕栢芝呷醋？Candy否認：「唔會，雖然我同栢芝唔熟，但佢好明白事理，呢個女仔幾好幾爽朗，兩公婆梗有爭執，希望佢哋床頭打交床尾和，我祝福佢哋。」
霆鋒另一舊愛王菲則置身事外，中了微博毒的她這幾日都冇update，似乎想跟霆鋒劃清界線。
至於當年曾被拍得與栢芝於泰國曬太陽及推油的舊愛陳小春，昨晚接受長途電話訪問時說：「好耐冇聯絡，我唔會特別打畀佢，事關佢有佢生活，我有我嘅忙碌，我亦唔鍾意八卦人哋嘅家事，我淨係知依家自己生活得好開心。」