江若琳益姊妹扮靚一條龍

全城哄動的六合彩一億元大獎已塵埃落定，最後由三位幸運兒獲得；從此，香港多了三位千萬富豪。雖然億萬元落空，不過希望在明天，若再有下個一億，你又會如何善用呢？何超儀及樂瞳揚言會開戲推動電影事業，江若琳就計劃開舖，為女士們提供一條龍扮靚服務。

「我會投資開舖，針對女性為主，先扮靚、後賣內衣、衫、化妝品，甚至婚紗都賣埋，總之由頭到腳、由內至外一條龍服務，等佢哋唔使四圍搵，一間店搞掂晒，女人最捨得使錢！」

「捐一部分作慈善之用係必要，始終係意外之財，幫助有需要嘅人，好想返大陸起學校同孤兒院。我仲讀緊書，我會交晒啲學費，穩陣啲。」

「梗係開戲捧自己，題材仲未諗到，不過會搵啲外國明星客串，包括我偶像濱崎步！」

「我有養狗，不時都見到虐狗虐貓新聞，覺得好慘，想成立慈善組織幫啲小動物；然後會買樓及買一個私人沙灘，我鍾意大自然，喺沙灘起屋，私隱度高，游水都唔怕畀人影到！」

「如果有一億當然會做好多慈善，其餘嘅錢，我會買物業，因為買物業可以同家人一齊住一齊分享！」

「我會成立好多個慈善基金，幫助不同界別而又需要幫助嘅人。仲會用少少錢同家人去旅行好好享受，我個人幾滿足現狀，所以唔使用咁多錢。」

「梗係開戲啦！（用一億開戲？）你估一億好多錢？分分鐘一部戲都唔夠用。其實我目標為推動香港電影事業，等多啲人認識，我演唔演冇所謂，不過我先將20%作慈善用途！」

「我已經諗定晒，用三千萬喺香港買兩間樓收租先，再將一千萬畀屋企人，五百萬捐畀慈善機構，幫助小朋友同老人家，再用千五萬買靚車，再買私人遊艇出海玩，剩番就做流動資金作不時之需。」

「梗係環遊世界，係唔使化妝、唔使出鏡嗰種，仲要喪shopping，鍾意買乜就買乜，唔使擔心碌爆卡，幾爽呀！」