鄧麗欣搶手 金牌千萬留人
歌影視三棲發展的鄧麗欣（Stephy），積極開拓內地巿場，片約不斷的她即將約滿金牌大風，獲多間公司垂青招手，為怕愛將被撬走，金牌大風出動到八位數字力挽。
日前本報披露吳雨霏（Kary）將蟬過別枝，由金牌大風跳槽過檔環球，據知Stephy也約滿，還有方力申及樂隊RubberBand亦於年底約滿。近年在內地吃得開的Stephy，據知有三間經理人及唱片公司開出吸引條件向她招手，所以對續約一事有所保留，她說：「真係未落實，（續約成數？）一半半。」
多過吳雨霏兩倍
為力挽一姐Stephy留低，老闆龐維仁派專人跟她斟約，被形容為乖巧的Stephy甚少扭計，所以金牌開出比吳雨霏多兩倍，足有八位數千萬身價利誘她續約，誠意十足。目前身在內地接拍民初劇《大戲法》的Stephy說：「我一直忙緊拍戲，拖到依家都仲係傾緊。」她承認有其他公司向她招手，但發展性質不同，難以比較，她說：「喺金牌九年有感情，睇吓會唔會繼續合作，（公司開出千萬條件畀你？）錢係其次，最緊要係睇未來發展，我好着重內地巿場。」
續約問過方力申
對於去留Stephy坦言要慎重考慮，她說：「我都唔細，啱啱又打開咗大陸巿場，呢份約好緊要，我想睇清楚先，唔想因為合約期限，太過倉卒去決定。」吳雨霏離開可會影響她決定？她說：「大家都大啦，朋友去到邊都係朋友，唔會影響我。」她坦言有跟小方商量，大家發展的方向都相似，不時交換意見互相提點。
此外，Kary前日現身銅鑼灣，已泊環球大碼頭的她邊行邊講電話，之後即上車離去。
文：音樂組