克勤親近無綫聞一聞好精神
李克勤前晚出席汽車公司派對，由於版稅風波，身為「無綫契仔」的他已頗久沒踏足將軍澳，他說：「我都好耐冇聞呢陣味，感覺寧舍唔同。（想返無綫？）望就咁望，呢度（邵氏影城）咁近無綫，會唔會代表又近一步？（你唔夠積極？）我仲唔夠積極？不過可能我諗多咗。我唱片約就完，續約舊公司機會都大。（繼續冇得上無綫？）咁一日未動筆，都有權搵第個，多多少少都有其他公司搵我嘅，但經理人話交晒畀佢處理，佢叫我專心做好七月演唱會。」
文詠珊（Janice Man）則睇中大會新車，她說：「我啱啱買咗二手車，但呢個品牌我都好鍾意，唔知有冇折頭。我揀車求速度，試過借朋友車開快車。（借黎明車？）咁又未試過，可以試吓。」
