毛舜筠指娟妹樂觀唔擔心
近日有報道指羅慧娟患重病，昨日出席檢測乳癌活動的毛舜筠被問及好友情況時，她透露與對方間中會見面，上一次見是幾個月前，她說：「佢好開心成日笑，老公同朋友都好錫佢。（擔唔擔心？）我冇睇報道，不過我同佢咁好朋友，佢要我知就會話我知，唔使特登打畀佢，都係你哋自己問佢啦。」
另外，前晚出席晚宴的張崇德和劉美娟夫婦，與羅慧娟曾是同一個團契，對於好友患重病一事都表示非當事人，不了解詳情，亦不方便表達。但他們早一個星期時都有與對方見面，他們謂：「佢好好，好開心。識咗咁耐，佢近年耳仔又有事，不過佢有咩事都會變得更積極。（擔心？）呢個世代其實咁污染，自己真係要keep住檢查。」
