趙碩之冇戴Bra唔怕「墮落」
亞視今晚直播節目《ATV台慶勁唱會》慶祝台慶，六位亞姐姚佳雯、許瑩及王欣等昨日身穿性感舞衣示人。而向來「乳」出驚人的趙碩之以黑色斜膊有袖衫示人，原來她是真空上陣。她說：「驚出嚟效果勁得滯，所以冇戴Bra，Nude Bra都冇，得乳貼咋。（唔戴Bra驚唔驚下墮？）有做美胸按摩等佢堅挺啲，我瞓覺都唔戴Bra，驚阻住血液循環。」
首次參演亞視台慶的關楚耀說：「以前喺隔籬台（無綫）都有出席台慶，但得幾秒，依家有得唱兩首歌，梗係覺得好啲！」提到舊愛衞詩將加盟MC Jin的公司，關楚耀謂：「有新合約即係新開始，係好事！（仲有冇聯絡？）冇喇！」
另外，亞視高層葉家寶宣布公司員工已進入作戰狀態：「台慶夜我哋會有節目大晒冷，新管理層同股東希望可以同友台拉成五五嘅收視比率。」提到無綫早前狀告亞視誹謗的律師信，葉家寶表示尚未收到。