權相佑檔期冇被栢芝影響
張栢芝前日缺席電影《影子愛人》記者會即惹是非，有傳她拍《影》片期間經常請假，隨時會拖累權相佑未能如期收工。《影》片監製關錦鵬對此逐一反駁，他指栢芝早在開拍前已講明會請三次假，一次是她生日，另外兩次則是細仔Quintus生日及陳建州結婚，不明白媒體為何要經常中傷栢芝。他謂：「影圈咁難得先有一個咁好嘅演員，點解要成日中傷佢？我依家都唔會睇呢啲嘢，唔想嘔血。」
至於前日的電影深圳記者會，關錦鵬表示栢芝因扭傷手才缺席，而昨日栢芝亦已歸隊開工，絕對不會阻礙權相佑檔期：「我哋定咗六月頭就可以拍完權相佑嘅戲，呢樣嘢到依家都冇變，除非天雨關係阻礙拍攝就冇辦法。」
另外，不少人都對Lucas的返學問題十分好奇。據知Lucas今年九月才入讀K1，現時Lucas返Playgroup。早前栢芝在台灣慶祝生日時，便帶了Lucas到誠品書店參加學習班。