阿Sa識食 ChiLam視勁敵
出道10周年的Twins最近經常合體示人，前晚Sa嬌孖住出擊玩Game搶獎金，令對手張智霖不敢掉以輕心，還笑言阿Sa非常識食，是真正食家！
最近頻頻合體的蔡卓妍（阿Sa）及鍾欣桐（阿嬌）前晚再以Twins的身份錄影節目《華麗明星賽絕地反擊戰》，與張智霖（ChiLam）及詹瑞文比賽，主持草蜢亦落場玩埋一份，司儀一職則由鄭裕玲（嘟嘟）負責。
擺甫士全中
ChiLam表示最想與太太袁詠儀決鬥：「聽講贏咗有得再上嚟玩，老婆之前贏咗，我都要贏，要同佢決一死戰！（邊個係最大對手？）阿Sa！佢好識食架嘛！係食家！」阿Sa聞言即謙稱自己非食家：「我有好多嘢都冇食過架！其實冇咩信心。」身旁的阿嬌即為她打氣，但兩人均表示最驚玩擺甫士遊戲，因記性及方向感都很差，其後阿Sa全中8個，阿嬌亦玩中7個，成績甚佳！
傑仔心情佳
此外，早前涉醉駕的蔡一傑事前表明拒絕受訪，而他錄影時表現生猛，不時與fans互動又派照片，引得fans大叫「靚仔傑」，令他笑逐顏開，似乎心情已回復不少。至於曾成功贏得Jackpot的嘟嘟表示很開心接手做主持：「節目有特別版就搵我做，好似坐享其成咁！」
文：影視組