Tom撇蔡穎恩做MJ電燈膽
近年成功上位的樂隊Mr.，事業得意情場卻失意，繼成員MJ（譚傑明）去年尾跟電台DJ卓韻芝分手後，最近又傳出成員Tom（杜志烜）因受不了o靚模女友蔡穎恩（Evelyn）的公主病，早於兩周前已分手。日前Tom果真撇下Evelyn，跟MJ及女形象設計師Inggrad及一男友人結伴到銅鑼灣行街，期間只見MJ與Inggrad全程雞啄唔斷，MJ更氹得女方不時甜笑。眼見兩人傾得如此投契，Tom亦識做地與男友人一直殿後免做「電燈膽」。
一行四人到附近時裝店專攻新到Tee，Inggrad雖然是Mr.的御用形象設計師，不過見她對MJ特別照顧，除給予意見，更精心挑選各款外套予MJ試穿。眾人離開時發現記者，Inggrad即掉頭走免被拍照，MJ亦急急開腔澄清，認真此地無銀！
自認有妹仔病
另一邊廂，Evelyn昨日舉行《少女之生活》新聞發布會及簽名會，陳嘉寶（Anjaylia）亦到場支持。Evelyn笑言自己目標是成為家庭主婦，嚮往為丈夫準備晚飯的情境。問她與Mr.成員Tom分手的傳聞，她強調：「一向都好好朋友。（有冇煮過嘢畀Tom食？）有整過曲奇畀Mr.嘅五個成員，送畀佢哋做打氣禮物。（話你有公主病？）妹仔病就有，我好鍾意照顧人。」Anjaylia亦大表贊同：「佢成日都會幫我借埋衫，又會幫我買埋嘢食。」
文、攝：追蹤組、名人組