沈卓盈落口供情緒激動

沈卓盈疑遭跌打男醫師胸襲，前晚深夜與老友徐淑敏及經理人到旺角警署報案，經過三個多小時落口供程序，她們於凌晨三時許前後腳離開，警署外的沈卓盈木無表情，表示事件已交由警方處理，現不方便透露進展。警察公共關係科昨證實已將案件列作非禮案處理，交由旺角警區刑事調查隊跟進，暫屬調查階段未有人被捕。

怒斥禽獸醫師

其實在報警前，沈卓盈已在微博上指該醫師是禽獸醫師，叫大家小心，經過一晚情緒紓緩，她終於有覺好瞓，昨日再在微博上留言多謝各朋友關心，心情已平復許多，希望那些人會得到應有的法律制裁，並希望其他被「欺負」的女性不要啞忍。昨日記者再致電沈卓盈未獲回覆，其經理人稱目前不方便再回應。

沈卓盈勇於站出來舉報，原來是其好友徐淑敏的建議，徐淑敏昨日表示，沈卓盈擔心被指博宣傳，以及父母知道後擔心，但最後想通應該將事件揭發，可給其他女生一個警惕。

好友微博支持

徐淑敏更爆沈卓盈於落口供期間情緒激動：「佢好激氣，（有冇喊？）你問番佢啦！不過警方好好，好肯幫佢，其實沈卓盈一路唔想報案，驚畀人話博宣傳，又唔想家人知，我勸佢唔好咁諗，應該公開件事，免其他女仔受害！我今日同佢通過電話，佢終於瞓得着，心情都好咗！（你陪咗佢成晚？）老友有事一定要撐！」此外，羅敏莊及不少藝員紛紛於微博留言以示支持。

文：影視組