蕭正楠向陳豪獻媺
黎耀祥、張可頤、陳茵媺（Aimee）、蕭正楠、徐子珊等昨日到電視廣播城停車場為《法證先鋒Ⅲ》拍攝opening，劇中大部分演員都有出席，大夥兒送上生果籃為明天生日的祥仔及沈震軒預祝生日。
見面唔尷尬
早前傳緋聞的蕭正楠及Aimee大方接受訪問，問到是否撻着？Aimee謂：「好搞笑，今次係我哋首次合作，係friend囉！」蕭正楠被問到是否戲假情真時，他說：「真心講，同佢只係朋友，緋聞唔係真嘅，所以見到面都唔會尷尬。（有冇追佢？）唔係囉！」
之後二人互笠高帽大讚對方好人，蕭正楠表示：「Aimee好有愛心，留番畀優質男，好似陳豪咁！可能我遲咗，最衰我嗰陣冇份拍《心戰》，我認輸，我係輸家！」問Aimee是否揀定陳豪？她笑言：「佢兩個都冇話追我！」
祥仔想旅行
另外，問祥仔生日願望是否追多個小朋友？他說：「一定唔會，有呢個仔已好足夠。希望佢成績好啲，自己冇乜嘢求，寄望下一代。（寄望再奪視帝？）唔會，只想編審張華標返嚟，同添哥再拍好劇。」祥仔又指此劇煞科後，想去北海道或沖繩旅行。
文：影視組