薛凱琪壓力大捱壞患隱疾
薛凱琪最近忙於內地拍戲，昨日她出席活動時就大爆自己因拍戲壓力而患病，但問到有關病情時她就堅拒透露，並為了宣傳新碟而堅持不放假。
昨日薛凱琪（Fiona）、Lisa S、RubberBand等出席「第二十二屆國際流行音樂大獎」頒獎禮，齊齊為活動擔任頒獎嘉賓。最近留於內地拍戲的Fiona就表示因離家太久，家中的愛貓亦對她不瞅不睬。
放假三天做體檢
問到於內地拍戲多久？她說：「半年左右，不過呢半年係最辛苦，因為拍嘅內容有時好慘要喊，情緒影響身體，身體因為咁而有少少唔好，依家都睇緊中醫調理，不過唔講咩病。」公司知道後亦要求Fiona放一星期假，不過Fiona就因擔心宣傳新碟時間不足，堅持不放假，與公司商討後決定只放3天，留在家中p:休息及做全身檢查。
說到病因，Fiona說：「醫生猜測係精神緊張、壓力太大所致。（抽離唔到？）抽離到，不過身體話我知有問題。」不過她就拒絕透露所患何病。那麼她可有向方大同及房祖名等好友傾訴心事？她表示雖跟二人有聯絡，不過她不用別人安慰，自己懂得調理情緒。
泥鯭為藝術剃頭
同場的樂隊RubberBand成員泥鯭以全新光頭造型出現，他說：「係行為藝術，又唔夠膽淋紅油，依家又熱，所以剪囉。」談到工作方面，RB即將去土耳其幾個城市，做音樂旅遊特輯。
文：音樂組