蔡一傑封嘴入城 人前風騷人後愁爆

傑仔一直匿在化妝間閉門不出，之後蔡一智、蘇志威（阿細）和林珊珊都到達無綫，全部封嘴拒受訪。

直至晚上8時10分，草蜢才現身錄影，傑仔風騷地跟觀眾揮手，跟男的炎亞綸、馬德鐘抱抱，與女的呂慧儀和官恩娜貼面錫錫，化了妝的傑仔表面冇傷痕，人前表現風騷，惟停機就強顏歡笑，樣子愁爆。

蔡一傑昨午從家中出發，獲安排坐在私家車後座。

蔡一傑的愛車撞毀後現停泊在鰂魚涌汽車扣留中心。

張耀揚有女友

至於被傳跟傑仔關係親密的張耀揚，他昨日接受本報訪問說：「我承認同佢真係好朋友，但今日睇報紙先知有斷背定義。（傳你同傑仔斷背？）我淨係講反對人歧視同性戀。（同傑仔咩關係？）我冇問傑仔性取向，朋友心照。」問有冇聯絡撞車後的傑仔？他說：「有，不過佢冇開電話，我諗佢好困擾。」（依家感情生活？）好好，有女朋友。」

張耀揚（右）否認與傑仔有斷背情。（資料圖片）

對於蔡一傑涉醉駕，呂慧儀坦言不便評論。