婷婷辣椒仔母禁揸車
謝婷婷、李亞男以及林保怡等，昨日齊為假沙田馬場舉行的女皇盃擔任嘉賓，並即場示範多款名錶。婷婷表示爸爸媽媽和男友也有送她手錶，她說：「哥哥（霆鋒）就冇送過，佢連生日禮物都冇送，朋友叫我叫哥哥送車，我由細到大都冇試過開口叫人送嘢畀自己，如果係會叫佢送錶，因為媽咪唔畀我揸車，佢驚我手車辣，話我係辣椒仔，我喺香港都唔敢揸快車，我揸車係有效率但安全。（哥哥手車都好辣？）我坐過佢揸架法拉利，覺得好安全。」
另外，李亞男對於男友王祖藍日前指她要取得獎項才結婚，她說：「係呀，畀壓力自己都好嘅，因為我唔可以輸畀佢（祖藍），佢攞太多獎。」而林保怡被問到蔡一傑涉嫌醉駕一事表示：「佢唔應該醉駕，大個仔要乖，今次件事後佢要乖喇！」
至於到場支持愛駒出賽的賭王何鴻燊四太梁安琪，透露今年母親節會與仔女一起吃飯和切蛋糕慶祝，她不知道女兒何超盈男友Greg會否出席，問她Greg是否過了她那關，她即讚Greg說：「佢幾好吖！」
