梁棨寧恨與王菲對話
入行差不多兩年的新城DJ梁棨寧（Kelvin），目前有兩個節目在手，頗為吃香。Kelvin直言每次開咪前都做足準備工夫，盡量減低被罵機會，他說：「我依家同露芙合作主持《娛樂旗艦店》，開咪前我都睇晒當日娛樂報紙，做晒功課，最緊要過到自己嗰關，露芙亦教我好多嘢。」
此外，Kelvin亦主持《國語力》，他說：「最開心可以訪問余文樂、陳奕迅、陳潔儀及張震嶽，最想訪問嘅係王菲。（有冇fans見偶像嘅心態？）之前都有，但依家冇乜，通常完咗節目之後先會影張合照，然後放喺微博當為節目promote。」Kelvin亦參加舞台劇演出，更與靚女蔣怡結劇緣，他大讚蔣怡女人味爆燈，性感在骨子裏。