羽翹練舞激瘦 自嘲洗衫板
羽翹將於下月九及十日於柴灣青年廣場舉行兩場處女演唱會，昨日她穿回個唱海報的Tube Dress露三吋「事業線」出席記者會，老闆蕭定一及數名歌迷捧場。羽翹在現場不斷拉扯短裙，她說：「呢輪開始排舞，加上每日都唔夠瞓，搞到瘦咗五磅同埋上圍縮晒水。（依家AA Cup？）本身冇乜，依家去到直落（指平胸），真係慘。（夠唔夠膽墊幾個缽仔糕？）夠膽，上網睇人教用三個墊谷到B Cup。」
羽翹笑言怕被搶鏡，故不敢邀同公司的石詠莉任表演嘉賓：「佢風頭太勁，直情係3D效果，搞到冇人睇我。」她透露有意在個唱上獻唱天后王菲都不敢唱的歌曲《忐忑》。