莫少聰涉毒 古仔驚訝 惠英紅擔心

古天樂、惠英紅及內地男星余少群前晚現身灣仔會展《聊齋之倩女幽魂》首映。雖然近日古仔在香格里拉開工，但仍關心莫少聰涉毒被捕事件，他說：「雖然嗰度與世隔絕，但都有睇新聞，我同莫少聰合作過，佢份人好健康、好靜，睇到新聞我覺得好驚訝。（內地加強打擊娛圈毒風，劇組有冇明令禁藥？）有提醒我哋戴口罩囉！嗰邊行快兩步都喘氣，又高海拔、又水肚不服，開工好易病，我哋有交換發燒藥食囉！」而惠英紅坦言擔心莫少聰，她說：「我同大眼仔（莫少聰）係邵氏同期演員，雖然好多年冇見，但聽人講佢近年都有長跑、行山，雖然唔知件事詳情，但都好擔心佢。」