Rosemary交代毒案絕境求翻身
混血名模Rosemary去年在美國涉嫌藏毒及撞車不顧而去被捕，官非纏身，令向來為品牌御用模特兒的她，事業即受挫下滑，沒有工作。一直對案情封嘴的Rosemary，昨日就案件召開答問大會，自爆案情以證清白，更希望藉此收復失地，更矢志進軍內地發展。
Rosemary於2010年9月於美國內華達州涉嫌藏毒及撞車不顧而去兩度被捕，撞車案於今年初獲輕判罰款，涉藏毒案則於上月以阻礙警員罪被判罰款及支付堂費。案件令Rosemary健康形象盡毀，案發至今，除了於去年替好友兼時裝設計師何國鉦的內地時裝活動行騷，以及為好友黎曉靈的法國珠寶騷策劃及行騷，在港幾乎全面零工作。
自爆另一版本
昨日Rosemary在一眾好友包括時裝設計師鄧達智、名模陳沛嘉、Cara G.及母親Julie支持陪同下，舉行就美國事件的答問大會，她全程以英語作答，黎曉靈擔任翻譯。
Rosemary表示感謝朋友一直的支持愛護，認為案件完結是一種解脫，卸去負擔，更首度就涉嫌藏毒案開腔：「好多人唔了解呢件案，其實我咩都冇做過，同埋清白，依家面對人生新階段，過去係一種經歷。（受陰影唔去美國？）唔會驚。（以後唔再掂毒品？）冇一個人係完美，識我嘅人都知我好健康同正面，如會去爬山，依家讀緊營養學，希望可以幫人更健康。（未來計劃？）希望向中國模界發展，放眼內地市場。」
Rosemary更即場自揭案件的另一版本，她說：「當日我同男朋友去完party，撞到一個女性朋友，見對方似乎惹上麻煩，畀一個陌生男子盤問緊，我同男友出手相助，個陌生男子問我哋三個：『呢盒嘢係邊個？』我為免麻煩，話係自己。最終涉嫌藏毒罪撤銷，改為阻差辦公，我係冇承認過自己吸毒，警方亦冇證據證明我吸毒。」
開記招除障礙
同場的鄧達智表示召開記招，是Rosemary因案件而阻礙工作：「中間有好多工作受阻，好多客想佢澄清咗先搵佢，好似我三月搞內地時裝騷，本來想搵佢，但個客話唔得，所以開記招澄清，咁樣唔會kick住佢。」
而好友黎曉靈表示，現正和Rosemary搞新珠寶品牌，對方稍後更出任其美容院Desire的代言人，又指Rosemary在案發後反而更多內地客人上門洽談工作。至於曾與Rosemary合作的品牌如Toppy，則表示會考慮稍後邀她合作。
文：名人組