湯告魯斯下周一會花1萬3千鎊（約16萬港元）為愛女蘇莉慶祝5歲生日，請來馬戲團贈興，靚佬湯更將500萬美元（約3,900萬港元）撥入蘇莉名下的信託基金做生日禮物，但她要在18歲才可動用基金。
被父母寵壞的蘇莉，大前日與老竇及阿媽姬蒂賀姆絲去食飯時扭計，更當眾做鬼臉，令父母十分尷尬。不過翌日靚佬湯及姬蒂又帶她去糖果店。蘇莉手持熊啤啤，專心聽店員講解如何自己夾糖，繼上次她拿起三級橡皮糖惹爭議後，今次靚佬湯夫婦全程睇實。