許穎噴血寫真打孖上
周秀娜和楊梓瑤今年退出寫真戰，葛民輝icon girl許穎（Phoebe）乘勢將推出兩本寫真集，騷盡34D勁爆身材，向宅男派冰淇淋。平時識歎識食的Phoebe最近為操fit決定忍口減肥，她說︰「呢排除咗做吓運動，亦忍口少食零食，目的係想寫真出來效果靚啲！（會否怕上圍縮水？）冇諗過喎，可能會縮少少，不過唔擔心嘅！」
Phoebe不諱言寫真會大賣性感，但尺度就大賣關子︰「唔講得住！但性感程度一定會令大家滿意。」Phoebe又自爆計劃錄音做歌手︰「本身鍾意唱歌，都想做歌手架！依家練緊，希望可以快啲錄到畀大家聽啦！」