陸永開波傷胸照X光
農夫日前到昂坪市集出席「彈床琴音樂節」，成員陸永雖然打籃球時不慎弄傷左邊胸口，但他仍敬業地邊獻唱邊跳彈床，表現落力，事後他表示：「個隊友失平衡成個瞓落我度，其實之前打波整傷右邊胸口好番一日，點知打番波又整傷埋左邊，自己都覺得核突，嚟緊會去照X光！」
而即將明年跟圈外女友拉埋天窗的C君，透露正忙於揀選婚宴場地，但拍攝婚紗相地點則最為麻煩，他說：「有時間都會去第二度影，或者返北京，因為我媽咪住喺北京！」此外，農夫自爆早前在活動上巧遇長實集團主席李嘉誠，二人即興奮捉住對方合照，C君手舞足蹈說：「我哋出席嗰個係慈善活動，都估唔到佢會嚟，即刻走埋去同佢握手，仲勁chock影合照添！」
