C ALLStar教大學生入行秘訣

四人組合C ALLStar早前於城大出席「Goyeah.com大學校園巡迴唱」活動，成員釗峰、On仔、King和Jase更與校內獲歌唱比賽冠、亞、季的參賽者合唱，四子表示未正式入行前都有不斷參加歌唱比賽，釗峰說：「想入行都有好多途徑，除參加比賽，仲可以寄啲Demo帶去唱片公司，不過，參加歌唱比賽就有機會遇到一啲『音樂星探』，成數就高啲。」
C ALLStar與歌唱比賽的參賽者合唱。
C ALLStar與歌唱比賽的參賽者合唱。

四子坦言時下流行拍短片放上網，他們的歌迷也不時將他們活動上的演出拍下來，公諸同好，問可遇到有人惡意留言？On仔笑言：「咁又好少喎，可能我哋雙眼只係會睇正面嘅嘢，不過，就算歌迷有意見都係為我哋好，呢個年代啲歌迷好聰明，質素愈嚟愈高，識得聽邊啲音樂係好定唔好。」

左起：釗峰、On仔、King和Jase一起出席大學活動。
  • 左起：釗峰、On仔、King和Jase一起出席大學活動。