糖妹愛孖Dominic打野戰
組合糖兄妹近日人氣急升，主音糖妹（黃山怡）更被一眾網民推上女神之位，最近還殺入影壇；她早前被踢爆與組合Bro5成員Dominic去街，令宅男大為緊張，但她表明不會疏遠「阿Dom」，因為二人關係友好，還經常結伴打野戰！
提到早前被拍到與高大猛男Dominic去街，糖妹說：「我同阿Dom係老死，成日一大班人打war game，最多只係兄弟！（會唔會避忌疏遠佢？）唔會囉！我大把gay friend，唔通全部疏遠咩？」
談到糖兄糖妹既非親戚，也非情侶，兩人的相識經過，糖兄說：「四年前經朋友介紹，當時阿妹幫我唱demo，發現佢唱歌有天分、生得靚，我哋又啱key，令我哋想開始認真玩吓。」儘管二人近日備受注目，但糖妹謙稱他們距離「紅」還有很遠，必須繼續努力，糖兄則坦言人氣急升令他始料不及。
拓展不同市場
提到將來方向，糖妹表示會嘗試向電影進發，現已落實在新片《戀夏戀夏戀戀下》中擔任男主角妹妹，雖戲份不多，但也是很好的經驗。而糖兄則表示會與台灣的音樂人crossover，亦會向內地、台灣、加拿大等地拓展市場。問到曲風不算主流的他們會否增加K歌？他們說：「會增加番啲合香港人口味嘅歌，希望有多啲唔同嘅人鍾意我哋！」
文：音樂組