杜麗莎妹平安抵港噩夢未了

查寧昨日於分享會大談地震事發經過，大仔岩橋全程在旁支持。她憶述當時與細仔龍一、老爺及奶奶置身福島，原打算多留兩天便返港，怎料遇上大地震，令她與兒子曾經失散，幸好很快重聚。她又稱與細仔花了五天才抵達東京，途中有時行路，有時乘坐順風車，更曾住避難所。

談感受眼濕濕

問到當時是否很冷？查寧直言：「好凍！凍到腳趾好痛，覺得對唔住個仔，估唔到捱到去東京。如果嗰時唔返，依家應該返唔到嚟！」她又稱老爺奶奶因居於當地多年，不想離開，故仍住在避難所。

雖然查寧已順利返港，但談到感受時仍多次眼濕濕，有時更要停頓數秒才能繼續。她表示：「返到嚟都唔係開心，行山經過見到好多情況，啲人好慘，屋企冇咗，細路冇咗，覺得自己好lucky，依家發夢有時都會諗起！」

開演唱會籌款

查寧坦言希望可以幫助日本：「同家姐、細佬開演唱會，雖然好耐冇演出，不過如果呢樣嘢可以幫到佢哋唔緊要。」是次演唱會，她會與大仔的公司合作，將於本月廿二日舉行，查寧亦多次呼籲大家支持。

文：音樂組