陳鍵鋒唔信無綫會封殺
最近在有線節目狂呻對無綫不滿的陳鍵鋒，昨日返電視城錄影節目《今日VIP》，有報料指無綫暗地裏將陳鍵鋒封殺，除刪減他在劇集《洪武三十二》的戲外，更將他飛出《華麗明星賽》及《正識第一》。陳鍵鋒回應遭無綫封殺一事，他說：「我就唔信，咁大間公司，唔會咁都容納唔到，要封殺一早封殺啦，依家先話太搞笑喇。」
有指陳鍵鋒推掉七位數的大陸劇而拍《洪》劇，後來由主角變配角令他大感不值，他說：「依家確係有啲猶豫，但唔可以話後悔，有得揀會揀番拍大陸劇，因為睇到《洪》劇嘅海報都有啲愕然，以為自己企中間，點知喺三四排，同最初講嘅有出入，係有啲失望。」外事部副總監曾醒明回應強調絕對沒有封殺陳鍵鋒，雙方雖然約滿，仍保持緊密良好關係，無綫更沒有刪減他的戲份，指所說並不屬實。