黃宗澤(目及)住內地樓盤
奧運金牌冠軍劉璇退役後投身娛圈發展，簽約無綫後首部拍攝的劇集《女拳》也在播映中，劉璇受訪時坦言拍劇比體操訓練更辛苦，她說：「拍劇辛苦過細個練體操，體操最少都有得瞓覺休息，但係拍劇就冇得瞓，拍劇仲壓力大到失眠。」黃宗澤亦大讚劉璇說：「佢第一日開工就拍打戲，見佢打到反白眼，都覺得佢好可憐。」
劉璇看似捱得，卻被黃宗澤踢爆原來是個「藥煲」，拍劇時不時服中藥，劉璇說：「以前身體唔好，依家要食中藥調理身體。」問到劉璇是否每年也會為無綫拍劇？她笑說：「拍劇真係好辛苦，休息吓先啦，等公司安排。」
劉璇與黃宗澤拍劇時最喜歡交流兩地樓盤心得，協議有筍盤即互通消息。