陳嘉桓箍20萬出街唔怕賊
陳嘉桓前晚戴上二十多萬的鑽石頸鏈及鑽飾、跟謝婷婷出席活動，問到她怕不怕遇賊？她即笑言：「唔怕，我識功夫o架嘛！而且師兄杜宇航又喺度，所以唔使驚！」同時她又表示會盛裝出席之後舉辦的金像獎，以支持獲提名新人獎的杜宇航，她表示：「我會行紅地氈，不過唔會着得過分性感！」
另外，問到近日與林峯傳緋聞的她有否與對方聯絡？她即說：「冇呀！不過我有喺微博睇到佢啲新聞，（佢怕咗同女仔單獨合照？）咁以後咪影大合照囉！」林峯早前患上腸胃炎，陳嘉桓表示於微博上已慰問過對方。
至於謝婷婷則講到飲酒問題，自言酒量甚淺，相反男友安志杰則酒量不俗，還笑他喝醉後睡覺都很有意識，可分辨到她和母親拉姑的玉手。