死咬與Eason曾拍拖 千嬅：有發生過感情
楊千嬅前晚出席頒獎禮時，對有指她於接受內地訪問時直認跟陳奕迅（Eason）曾談戀愛，她謂：「我同佢要由新秀時講起，同佢係識於微時，有感情。（男女之間定係友誼？）乜都有撈埋一齊啦，我都係依家大大吓先知咩係愛情，同佢有發生過感情囉！」當她知道Eason日前被問此事時即扮嬲笑言不認識她，千嬅回應：「咁樣呀，等我下次見到問吓佢點解唔認我先！」
此外，日前千嬅對外透露曾遭「男友的前女友」騷擾，身為千嬅現任老公丁子高前女友的譚凱琪昨撇清一切：「我冇咁大膽打畀唔識嘅人，（識唔識千嬅？）唔識亦冇佢電話，我面皮好薄架咋。」