ifpi冷待幕後人爆不滿 祖兒仗義炮轟：唔夠尊重！

容祖兒、Twins、許志安、林欣彤、何韻詩、衞蘭及JW等前晚出席《ifpi香港唱片銷量大獎2010》，祖兒連奪「十大銷量廣東唱片」及「十大銷量本地歌手」兩獎，復合出精選碟的Twins亦得兩獎，蔡卓妍（阿Sa）更以個人身份奪得「十大銷量國語唱片」，兩人在台上合唱時，鍾欣桐（阿嬌）向阿Sa獻吻，認真老友。

冷言冷語當動力

前晚大會未有安排音樂界幕後人上台領獎，只着他們自行到接待處攞獎，引致幕後人不滿而作出炮轟，祖兒得悉此事後亦力撐幕後人：「未免係唔夠尊重，好似攞鎖匙咁，我好尊敬幕後人，係恩人，呢次待遇難免唔開心，不過希望佢哋唔好介懷，只係一場遊戲啫！」問到是否亦曾受冷待？祖兒說：「唔記得，我好幸運，個腦只記得一、兩句冷言冷語，我當係動力。其實世界係圓嘅，唔好太在意人哋點睇。」

放大圖片	阿詩奪獎後在台上自彈自唱，大騷唱功。

承認溝通有問題

至於大會主席陳輝虹則解釋可能是溝通出現問題，絕冇貶意：「可能工作人員冇講清楚環節係點設計。（擔心仲有幕後人唔滿意而缺席？）大部分都有到。（致電了解？）首先要檢討先。」他又表示大會亦有向填詞人鄭國江致敬的環節，與一眾幕後人在台下分享經驗。

至於許志安、蘇永康及梁漢文亦有到場，拍檔張衞健則缺席，安仔的戀情繼續被好兄弟嘲弄，康仔笑言對方可推出「情比金堅套餐」，令全場爆笑，安仔雖毫無還擊之力，但一直報以冧笑。

林欣彤（右二）與樂壇前輩夏韶聲（左二）相遇，頗有交流。

（右起）梁漢文及蘇永康不時拿許志安的戀情開玩笑。

文：影視組