馬國明棄蠢投奸
馬國明（馬明）與梁嘉琪在劇集《女拳》中飾演一對夫妻，馬明的角色由忠變奸，他大感滿意之餘更說是享受：「我覺得好有挑戰性，啲工作人員都話估唔到我做奸都OK，我都鍾意架，始終多啲機會發揮，其實馬國明都唔係咁蠢架，希望可以奸到畀人鬧啦！」
對早前被拍得與另一新劇對手賈曉晨出雙入對，馬明帶笑說：「好快大家就知係緋聞嚟喇！」他反而大讚嘉琪的表現，說會畀好高分：「佢好有自己意見，新演員嚟講好難得。」而嘉琪亦說欣賞馬明已久，很高興可以合作：「我好欣賞佢係個默默耕耘嘅演員，好努力，拍戲時佢又好照顧我，又幫我諗好多做戲上嘅嘢。」