楊思琦心寒感觸 要做孝順女

楊思琦去年十一月為無綫拍攝旅遊節目《紅葉瀛風》，走遍日本東北部的宮城、福島、秋田、岩手、青森、山形和新潟等縣市，相隔數月，東北地方慘被九級地震摧毀，令思琦感慨萬分：「當時我哋去咗三個幾星期，當地風景好靚，民風淳樸，我哋去過魚市場、酒廠等地方參觀，村民對外來人都表現得非常友善，大家仲影咗好多相留念，依家一瞬間被海嘯衝擊夷為平地，睇電視直播見啲人走唔切，心都寒埋，好恐怖。」

思琦覺得大自然已發出警號，呼籲大家要加強環保意識：「今次地震引發輻射問題影響到好多地方，雖然香港未必有事，但大家同一地球上，感受好深，以後會多啲注意環保問題，仲要對屋企人好啲。」問到可有考慮提早結婚？她大耍太極：「呢樣又冇，但會珍惜身邊人。」

工作跌傷 媽咪操心

早前思琦在澳門工作遇上意外，在樓梯高處墮地，令媽咪最為擔心，她說：「返到香港都唔敢第一時間同媽咪講，第二日見到啲傷勢都好擔心，依家腳、腰、背同頸都仲痛緊，可能要休息一段時間。」

原本她要去韶關拍攝旅遊特輯，現在臨時取消，她亦大嘆可惜：「之前做咗好多準備工夫，嗰度能夠列入世界文化遺產，有好值得觀賞嘅大自然景色，今次雖然去唔到，但我計劃遲啲自費去一次。」

文：專案組

場地及服裝：Miss Sixty