OctoBeez互數缺點冇情講

去年以新八模姿態加入娛樂圈的余曉彤（Hidy）、徐熙素（Hazel）及王麗嘉（Rika），組成跳唱組合OctoBeez勇闖樂壇，三女朝見口晚見面，默契十足，亦很清楚每人的脾性。今次要她們互數優點及缺點，她們即滔滔不絕，絕不口軟！

Rika踢爆Hidy最烏龍，試過搞出大笑話：「佢試過上台掉轉鞋着，又成日帶漏嘢！」Hidy亦點頭承認，坦言最應該改善的是時間觀念：「因為我住得好遠，有時唔係咁準時，我會積極改善。」

Rika每次緊張時都會不停說話。

Hazel守得秘密，不少好友都向她訴苦。

Rika自認煩人

Hazel則表示Rika是緊張大師，經常問長問短，Rika亦直認不諱：「我好鍾意講嘢，一緊張就更加唔停口，都知道有時會煩親人，哈哈！」個性率直的Hazel亦被指心直口快，應要變得圓滑。

數完一輪，當然要互讚「補鑊」。Rika大讚Hazel守得秘密，因此經常向她訴苦。至於Rika愛笑的性格亦令好姊妹十分欣賞，她又經常做出搞笑舉動，是隊中開心果。至於有潛水牌的Hidy則獲讚體能好，像有用不完的能量。

文：立影　

攝：劉智源

場地及服裝：Monstar Beatz