阿B助眼疾貧民重見天日

阿B凌晨時分抵達尼泊爾，第二天便即與范姜在醫院當義工，為患眼疾的村民驗眼，阿B謂：「啲村民住喺喜馬拉雅山，因紫外線太強導致白內障，頭先測試佢哋嘅視力，情況好嚴重，希望透過手術幫佢哋重見光明。」

其中坐着輪椅90歲的老伯伯，便向阿B表示右眼已醫好，今次是再來接受左眼手術，能讓他有生之年再見光明，阿B及范姜都深受感動。之後阿B到麻醉室幫患者打氣，但因怕血不敢入手術室，相反生過兩名女兒的范姜好勇敢，握着正進行手術的患者雙手作鼓勵。

范姜緊握患者雙手，並陪伴他施手術。

除了女友，阿B亦帶埋細女鍾幗出發。

2日幫240人

然而短短兩天便有240人完成手術，阿B一家聯同嘉旺竹巴法王再赴醫院，為手術後的村民拆紗布，正式享受「重見光明」一刻。

當中一名老伯伯便開心得給阿B唱歌起舞來答謝。親眼感受別人重獲視力的喜悅，阿B說：「用兩日時間就幫到咁多患者係好開心嘅事，而我哋目標係五年可以幫到100萬人做手術，我打算搵機構贊助太陽眼鏡，等佢哋可以好好保護雙眼，唔使再受傷害。」

小寧波車晒V

至於阿B和范姜亦有到五歲的小寧波車家中探訪，小寧波車是第六世轉世活佛，當為兩人進行「Blessing」儀式後，合照時小寧波車齊齊做出「V」手勢相當精靈可愛。