關伊彤身在台灣隨時走難
因日本地震引發海嘯，並隨時波及台灣等地，正身在台灣探未婚夫的前港姐關伊彤心情慌亂，因其在台灣居住的未婚夫寓所正於沿海地帶，她擔心對方會有危險，故即收拾細軟「逃難」，碰巧好友Kawaii又在台灣旅行，故伊彤與未婚夫將行李搬到Kawaii位於台北的酒店，解「水浸眼眉」之急。
伊彤說：「今次過嚟除咗探未婚夫外，順便出席朋友於台灣舉行嘅婚禮，但日本地震、海嘯又波及台灣，所以我哋怕有事咪搬去Kawaii度，佢喺台北酒店住安全啲！地震翌日雖然撤銷海嘯警告，但頻頻落雨，天氣都幾差，（幾時返港？）呢兩日，都唔敢留得耐，其實我近日都帶住護照喺身，諗住隨時逃難！」