陳靜李宥彤晚晚傾通頂

電影《宅男總動員》挑中陳靜（DaDa）和李宥彤（Liz）齊齊參與演出，只可惜兩人全無演對手戲，令到陳靜大表惋惜，未能好好發揮兩人的默契，她說：「我當時有另一部戲喺身，撞晒期，搞到最後只可以客串，好彩劇組都好錫我，最後宣傳都預我一份，依家先有機會同佢哋去晒十幾個城巿。」

陳靜與Liz老友鬼鬼，結伴宣傳主動要求住埋一間房，方便晚晚傾通宵。陳靜坦言最難忘工作後和鍾鎮濤唱卡拉OK，她說：「第一次去到卡拉OK大家都唔肯點歌，因為想留番畀B哥哥點，個個都想聽佢表演，免費聽出耳油。」

陳靜難忘和鍾鎮濤一起唱K，因能免費聽偶像唱歌。

陳靜和李宥彤感情要好，同樣為未有機會做對手戲感遺憾。

北上拍戲充實

新片定於4月1日全國上映，陳靜和Liz坦言非常期待，Liz表示今次北上拍戲收穫甚豐，令她有一個很難忘的體會，她說：「去大陸拍戲好開心，因為冇乜地方可以去，會好專心，仲可以睇到好多內地工作人員同演員嘅工作方式，我覺得好充實。」

文：影視組