鍾舒漫捱餓喪跳唔怕凸

Sherman將於月底推出新碟，主打歌《Take It》是首帶點韓國味道的快歌，單是「take it」這句歌詞就重複了64次，以洗腦方式令歌迷極速入耳，Sherman說：「自己好鍾意呢首歌，歌詞好正面，講好多人遇到問題都唔解決，其實唔應該逃避，否則會錯失機會。」

排舞師嫌煩

為了拍這首MV，之前Sherman花了很多時間排舞，她說：「我好耐冇拍快歌MV，好興奮好緊張，特登要求排舞師搵全男班dancers，出嚟效果會型啲，之前仲練咗好多次，搞到排舞師都嫌我煩，不過佢讚我跳舞進步咗，佢話我好慢熱，性格同外表唔同，因為我排舞時好靜唔出聲，喺台上至爆出嚟。」

Sherman找來全男班伴舞，目的是打造型格效果。

穿上斜膊衫的鍾舒漫自言性感點到即止。

愈跳愈上腦

MV在一間酒吧取景，穿斜膊衫上鏡的Sherman不算性感，但她卻害怕會凸腩，拍攝當天全日絕食：「我特登唔食嘢，好怕有肚腩，雖然空肚跳足半日，但都好有energy，愈跳愈上腦。」問點解只露膊唔低胸？Sherman說：「唔使性感，個個形象唔同，我走型格路線。」

文：音樂組