張莉莎吹水搶鏡
應屆落選港姐張莉莎最近成為遊戲節目《華麗明星賽》的Star Ladies，她自言好有新鮮感：「未選港姐前做過模特兒，入行後又拍過劇集，但唔夠今次被選中做Star Ladies咁好玩，見到大家玩遊戲時嘅歡笑表情，自己都好開心。」她又大讚主持草蜢三位成員各有特色，她說：「佢哋好親切同專業，蔡一智好健談，蘇老闆（蘇志威）就成日搞笑，同佢哋合作可以學到好多嘢。」
早前另一位Star Ladies張慧雯因為認錯蘇永康是梁漢文而成功搶鏡，張莉莎自言亦有一套出位方法，她說：「其實最重要係做定功課，排練多幾次，要同嘉賓傾多啲偈、多啲互動，自然會令觀眾加深印象。」