葉翠翠愛簡單唔恨入豪門

葉翠翠近期投入拍攝李添勝監製的新劇《我的如意狼君》，角色扮演陳山聰的老婆，雖然能嫁入豪門，但老公陳山聰卻「包二奶」，翠翠的角色相當委屈、受氣、兼要捱打。演繹悲情角色難免影響平日情緒，翠翠指為培養情緒，平日也要強迫自己回想起委屈事情，令自己更入戲。

摑人感心痛

劇中翠翠要被見異思遷的丈夫陳山聰掌摑，但原來打人還比被打更痛苦，翠翠說：「山聰摑我都係就位，但我摑YoYo（陳自瑤）就要真打，以前都未試過打人嘅，知道要拍都擔心咗幾日。YoYo雖然都好專業叫我出力打，但摑到啪一聲，打完反而好想喊！」

翠翠在劇中如願嫁入豪門，但現實中她情願講心好過講金，她說：「我就唔使嫁入豪門，簡簡單單，唔使咁複雜，搵到個鍾意自己嘅人就得，唔係睇佢有冇錢，依家香港嘅女仔好獨立、好有能力，唔需要睇住對方啲錢、條件嚟嫁人。」

最終嫁得好

近期工作忙個不停的翠翠早前剛主持完玄學節目《香港有運行》，但節目中歸納多位師傅的意見皆認為翠翠短期內也沒有桃花運，想嫁人就再等等。

翠翠表示：「師傅雖然話我呢幾年都冇桃花，但話我最終都會嫁得好嘅，咁咪得囉，所以都冇唔開心。」

採訪：影視組

攝影：謝國華

場地：VEGAS Homme