周秀娜掃戰衣透視32D
「性感女神」周秀娜於日本行完內衣騷後，馬不停蹄為32位又唱又跳的師妹組合掃戰衣準備拍寫真。今次周秀娜擺明要師妹大玩騷腿透視裝，打造她們成為「香港版AKB48」。
早前周秀娜（Chrissie）再度殺入日本TGC時裝騷，於當地首次出動32D逼爆胸單拖挑戰「童顏巨乳」星野亞希。愈戰愈勇的Chrissie除台前演出外，更為「32D命運少女」擔任形象指導，於TGC演出後即跑到潮店Collect Point挑選戰衣，供師妹組合拍攝寫真之用，決心令她們的聲勢媲美日本組合AKB48。
凸顯青春性感
當日Chrissie趁店舖剛開門即直入揀衫，眼見她在店內四圍搜羅，一大堆衫褲拎上身，搭在模特兒公仔身上逐一拼貼及配襯，認真落力用心，當中還主攻半透的雪紡質地及短褲。Chrissie說：「佢哋係新人，會以歌唱同跳舞組合出道，形象方面我就想佢哋畀觀眾有啲好清新嘅感覺，所以會以淡妝配簡單服飾，但點都會騷吓佢哋嘅青春同性感，揀若隱若現嘅雪紡衫同短褲騷下腿就最啱。」被問到會否揀水着時，Chrissie說：「一定會揀，但點都想留番啲神秘感。」
Chrissie今次與經理人Roy同行日本，亦有份挑選新師妹，她說：「我都有去過內地睇過，如果同日本嘅女仔比較，日本女仔較Fashion，但方向感就冇內地女仔咁清晰。」她還笑說：「其實日本女仔化妝真係好勁，我直頭想像唔到佢哋冇化妝嘅樣。」
文：專案組
攝：唐豁莊
服裝：Heather
場地：新宿Collect Point